Press "Enter" to skip to content

کراچی: وزیراعظم کی ہدایت پر پی آئی اے میں کفایت شعاری مہم جاری

کراچی: وزیراعظم عمران خان کی ہدایت پر پی آئی اے میں کفایت شعاری مہم جاری ہے، ملازمین کا آفیشیٹنگ الاونس ادائیگی عارضی طور پر معطل ۔

تفصیلات کے مطابق مالی مشکلات کے باعث پی آئی اے ملازمین کا آفیشیٹنگ الاؤنس عارضی طور پر معطل کیا گیا ہے، اور پی آئی اے صدر کی منظوری کے بعد نوٹی فکیشن بھی جاری کر دیا گیا۔

آفیشیٹنگ ڈیوٹی کرنے والے ملازمین کا الاؤنس بھی 12 دسمبر 2018 سے معطل رہے گا، الاؤنس کی عارضی معطلی مالی حالات بہتر ہونے پر بحال کر دی جائے گی۔

کفایت شعاری مہم ، وفاقی حکومت کا جاری اخراجات میں 10 فیصد بچت کا فیصلہ

متعلقہ ملازم کی بنیادی تنخواہ کے 20 فیصد مساوی اضافی الاونس کی عارضی معطلی مالی حالات بہتر ہونے پر بحال کر دی جائے گی۔

خیال رہے کہ گذشتہ دنوں وفاقی حکومت نے جاری اخراجات میں 10فیصد بچت کرنے کا فیصلہ کیا تھا۔

وزارت خزانہ نے کہا تھا کہ ہر قسم کی گاڑیوں کی خریداری پرپابندی عائد ہوگی،گاڑیاں خریدنے کے لئے وزارت خزانہ سے این او سی لازمی قرار دیا۔

واضح رہے کہ اس سے قبل کفایت شعاری مہم کے تحت وزہراعظم ہاؤس ، وزارت مواصلات اور قومی اسمبلی سیکرٹریٹ کی گاڑیوں کی نیلامی کی گئی تھی۔

Please follow and like us:

Be First to Comment

Leave a Reply

Your email address will not be published. Required fields are marked *