Press "Enter" to skip to content

پی پی 168: دوبارہ گنتی میں بھی پی ٹی آئی نے مزید14ووٹ لے لیے،ن لیگ کو شکست

لاہور : تحریک انصاف کے امیدوار نے پی پی168میں ووٹوں کی دوبارہ گنتی میں بھی ن لیگی امیدوار کو شکست دے دی، ملک اسد کھوکر نے مزید چودہ ووٹ حاصل کرلیے۔

تفصیلات کے مطابق مسلم لیگ ن کے امیدوار کی درخواست پر پی پی 168کے ووٹوں کی دوبارہ گنتی کا عمل مکمل کر لیا گیا، پاکستان تحریک انصاف کے ا میدوار ملک اسد کھوکر نے مزید چودہ ووٹوں کے اضافے کے ساتھ ن لیگی امیدوار رانا خالد مقبول قادری پر701ووٹوں کی برتری حاصل کر لی۔

سابق وفاقی وزیر ریلوے خواجہ سعد رفیق کی خالی کی گئی پنجاب اسمبلی کی نشست 168پرجمعرات کو ضمنی انتخاب کا معرکہ ہوا، پی ٹی آئی کے ملک اسد کھوکر نے ون آن ون مقابلے میں ن لیگ کے امیدوار رانا خالد قادری کو شکست دے دی۔

ن لیگ کی جانب سے پری پول رگنگ کا راگ الاپا گیا اور فیصلہ چیلنج کر دیا گیا، ووٹوں کی دوبارہ گنتی کے بعد ریٹرنگ آفیسر رحم زادہ نے نتیجہ جاری کر دیا۔

جس کے مطابق پی ٹی آئی کے امیدوار اسد کھوکھر چودہ ووٹوں کے اضافے کے ساتھ 17571ووٹ حاصل کر کے پہلے نمبر پر رہے جبکہ ن لیگ کے امیدوار رانا خالد قادری 16870 ووٹ لے کر دوبارہ دوسرے نمبر پر رہے۔

ووٹوں کی دوبارہ گنتی مکمل ہونے کہ بعد پی ٹی آئی کارکنوں نے ملک اسد کھوکھر کی جیت کا جشن منایا۔ واضح رہے کہ 2018 کے عام انتخابات میں پنجاب اسمبلی کی یہ نشست خواجہ سعد رفیق نے جیتی تھی، رکن قومی اسمبلی منتخب ہونے کے بعد انہوں نے صوبائی نشست چھوڑ دی تھی

Please follow and like us:

Be First to Comment

Leave a Reply

Your email address will not be published. Required fields are marked *