Press "Enter" to skip to content

پیپلزپارٹی کی مرکزی مجلس عاملہ کا اجلاس آج ہوگا

لاڑکانہ : پیپلزپارٹی کی مرکزی مجلس عاملہ کا اجلاس آج شام نوڈیرو میں ہوگا جس میں جے آئی ٹی رپورٹ کے بعد کی صورت حال کا جائزہ لیا جائے گا۔

تفصیلات کے مطابق چیئرمین پیپلزپارٹی بلاول بھٹو زرداری اور آصف علی زرداری کی زیرصدارت پیپلزپارٹی کا اہم اجلاس ہوگا۔

اجلاس میں جےآئی ٹی رپورٹ کے بعد کی صورت حال کا جائزہ لیا جائے گا اور مستقبل کی حکمت عملی کے حوالے سے اہم فیصلے کیے جائیں گے۔

چیئرمین بلاول بھٹو زرداری اور صدر آصف علی زرداری کی زیرِ صدارت ہونے والے اس اجلاس میں 5 نکاتی ایجنڈے پر مشاورت کی جائے گی۔

جے آئی ٹی نے 24 دسمبر کو جعلی اکاؤنٹس اور میگا منی لانڈرنگ کیس میں اومنی گروپ اور آصف علی زرداری کو ذمہ داری قراد دیا تھا، سپریم کورٹ نے اومنی گروپ اور زرداری گروپ کی جائیدار کی خرید وفروخت اور ٹرانسفر پر پابندی عائد کی تھی۔

عدالت نے آصف علی زرداری اور ان کی ہمشیرہ فریال تالپور کو جے آئی ٹی رپورٹ کا جواب داخل کرانے کی ہدایت بھی کی تھی۔

جے آئی ٹی رپورٹ میں انکشاف کیا گیا تھا کہ 29 جعلی بینک اکاؤنٹس کی تفتیش مکمل ہوچکی ہے جبکہ مزید جعلی اکاؤنٹس بھی ہیں جن کی تحقیقات ہونا باقی ہیں۔

Please follow and like us:

Comments are closed.