Press "Enter" to skip to content

سہ فریقی مذاکرات : شاہ محمود قریشی ایک روزہ دورے پر کابل پہنچ گئے

اسلام آباد : پاکستان افغانستان اور چین کے درمیان سہ فریقی مذاکرات میں شرکت کئے لیے وزیر خارجہ شاہ محمود قریشی ایک روزہ دورے پر کابل پہنچ گئے، مذاکرات میں افغانستان میں دیرپا امن کے لیے حل تلاش کیا جائے گا۔

تفصیلات کے مطابق پاکستان، افغانستان اور چین کے درمیان سہ فریقی مذاکرات کابل میں ہوں گے، پاکستانی وفد میں وزیرخارجہ شاہ محمود قریشی سمیت سیاسی اور سول وعسکری حکام شامل ہوں گے، اس حوالے سے سفارتی ذرائع کا کہنا ہے کہ کابل میں کل ہونے والے مذاکرات میں3ادوار ہوں گے۔

پہلے دور میں افغانستان کی سیاسی صورتحال پر بات چیت ہوگی، افغان طالبان سے مفاہمتی عمل پر بھی بات چیت کی جائے گی، اس کے علاوہ مذاکرات کے دوسرے دور میں فریقین کے درمیان خطے میں تعاون پر بات چیت ہوگی جبکہ تیسرے دور میں سیکیورٹی تعاون پر گفتگو کی جائے گی۔

سفارتی ذرائع کے مطابق افغانستان آنے والے مختلف ممالک کے تمام وزرائے خارجہ کی افغان صدر اشرف غنی سے ملاقات بھی ہوگی، اس کے علاوہ شاہ محمود قریشی کی اپنے چینی ہم منصب سے ملاقات متوقع ہے۔

سفارتی ذرائع کا مزید کہنا ہے کہ سہ فریقی مذاکرات میں افغان سر زمین دہشت گردی میں استعمال کئے جانےکامعاملہ بھی اٹھائےجانے کا امکان ہے۔

اس کے علاوہ یہ بھی امکان ظاہر کیا جارہا ہے کہ پاکستان اس موقع پر چین کے قونصل خانے پر حملے کا معاملہ بھی اٹھائے گا، چینی قونصلیٹ حملے میں این ڈی ایس اور را کے مبینہ طور پر ملوث ہونے پر غور کیا جائے گا۔

Please follow and like us:

Be First to Comment

Leave a Reply

Your email address will not be published. Required fields are marked *