Press "Enter" to skip to content

جے آئی ٹی رپورٹس پڑھنے کے باوجود لٹیروں کا دفاع کرنے والوں پر حیرت ہے: وزیراعظم

اسلام آباد: وزیراعظم عمران خان نے پاناما پیپرز اور جعلی اکاؤنٹس کی جےآئی ٹی رپورٹس کو ریاستوں کی ناکامی اور قرض اور غربت میں اضافے کے حوالے سے ایک ‘کیس اسٹڈی’ قرار دے دیا۔

سماجی رابطے کی ویب سائٹ ٹوئٹر پر اپنے پیغام میں وزیراعظم نے لکھا، ‘پاناما اور جعلی اکاؤنٹس کی جےآئی ٹی رپورٹس کیس اسٹڈی ہیں کہ ریاستیں کیسے ناکام ہوتی ہیں اور کس طرح غربت اور قرض میں ڈوبتی ہیں’۔

وزیراعظم نے مزید لکھا کہ ‘جس طریقے اور جس پیمانے پر عوام کا پیسہ چوری کیا گیا، وہ ناقابل یقین ہے’۔

وزیراعظم نے مزید لکھا، ‘مجھے ان لوگوں پر حیرت ہے، جو یہ رپورٹس پڑھنے کے بعد بھی لٹیروں کا دفاع کر رہے ہیں’۔

Please follow and like us:

Comments are closed.