Press "Enter" to skip to content

تنخواہیں نہ ملنے پر بحریہ ٹاؤن ملازمین اور ٹھیکیداروں کا احتجاج، سپرہائی وے بند

کراچی: تنخواہوں کی عدم ادائیگی پر سپر ہائی وے پر نجی ہاؤسنگ ادارے بحریہ ٹاؤن کے ملازمین اور ٹھیکیداروں کے احتجاج کے باعث کراچی سے حیدر آباد اور حیدرآباد سے کراچی جانے والی گاڑیوں کی لائن لگ گئی۔

احتجاج کے باعث سپرہائی وے کے دونوں ٹریکس پر ٹریفک 3 گھنٹے سے زائد سے بند ہے جبکہ مظاہرین نے سپرہائی وے پر کاٹھور سے نیشنل ہائی وے جانے والا لنک روڈ بھی بند کردیا ہے۔

ملازمین کا موقف ہے کہ انہیں تنخواہیں نہیں مل رہیں اور گھر کے چولہے ٹھنڈے ہوگئے ہیں۔

مظاہرین نے وزیراعظم عمران خان اور چیف جسٹس ثاقب نثار سے معاملہ حل کرنے کی اپیل کی ہے۔

مظاہرین نے سپرہائی وے پر کاٹھور سے نیشنل ہائی وے جانے والا لنک روڈ بھی بند کردیا—
دوسری جانب بحریہ ٹاؤن کے ملازمین اور ٹھیکیداروں نے توحید کمرشل سے ریلی بھی نکالی، جس میں اوورسیز پاکستانیوں کے اہلخانہ اور سرمایہ کار بھی شریک ہوئے۔

علاوہ ازیں عام شہریوں نے بھی بحریہ ٹاؤن کے خلاف جاری مہم کو مسترد کرتے ہوئے کہا ہے کہ وہ پانچ سال کی قسطیں جمع کراچکے ہیں، پتہ نہیں سرمایہ کاری کا کیا بنےگا۔

Please follow and like us:

Be First to Comment

Leave a Reply

Your email address will not be published. Required fields are marked *